दाङ, १६ फागुन ।
दाङमा छतबाट खसेर एक जना घाइते भएका छन् । तुलसीपुर–७ गैरापतुमा डेरा गरी बस्ने १८ बर्षिया ललिता नेपाली छतबाट खसेर घाइते भएको ईलाका प्रहरी कार्यालय तुलसीपुरका डिएसपी पुष्पराज मल्लले जानकारी दिनुभयो ।
आज दिउँसो ३ बजे तुलसीपुर उपमहानगरपालिका वडा नम्बर–७ गैरापातुका कुशल बिकको घरमा डेरा गरी बस्दै आएका नेपालीलाई चक्कर लाग्दा घरको एक तला माथिदेखि करिब ६–७ मिटर तल खस्दा टाउकोमा गहिरो चोट लागेको डिएसपी मल्लले बताउनुभयो ।
घाइतेको राप्ती प्रादेशिक अस्पताल तुलसीपुरमा उपचार भइरहेको छ । उहाँको अवस्था मध्यम रहेको प्रहरीले जनाएको छ ।।
प्रकाशित मिति : २०७९ फाल्गुन १६ गते मङ्गलवार