दाङ, २२ कार्तिक ।
तुलसीपुर उपमहानगरपालिका वडा नम्बर ४ खाद्रेमा रहेको युथ्स अफ खाद्रेको आयोजनामा जारी प्रथम खाद«े गोल्डकप प्रतियोगितामा आज (विहिवार) चार वटा खेल सम्पन्न भएका छन ।
आजको पहिलो खेलमा ग्वारखोला युवा क्लब वायखोला र योङ्ग युथ्स गणेश टोलबिच प्रतिष्पर्धा भएको छ । जसमा ग्वारखोला युवा क्लब वायखोलाले योङ्ग युथ्स गणेश टोललाई ४–३ ले पराजित गरेको छ ।
यस्तै दोस्रो खेलमा युथ्स अफ खाद«े बि र साउथ तुलसीपुर फुटबल कल्वबिच प्रतिष्पर्धा भएको थियो ।जसमा साउथ तुलसीपुर फुटबल कल्वले युथ्स अफ खाद«े बि लाई ४–३ पराजीत गरेको छ ।
तेस्रो खेलमा वाँकेको कुसुम फुटवल कल्ब र रोयल विजौरीबिच प्रर्तिसपर्धा भएको हो । जसमा रोयल विजौरीले कुसुम फुटवल कल्वलाई ३–२ ले पराजीत गरेको छ । आज भएको चौथो अर्थात अन्तिम खेलमा रोयल रानागाँउ र युवा सञ्जालबिच प्रतिष्पर्धा भएको थियो । जसमा रोयल रानागाँउले युवा सञ्जाललाई १–० ले पराजीत गरेको छ ।
कार्तीक २२ गतेदेखी जारी प्रतियोगितामा बिभिन्न चौधवटा टिमको सहभागिता रहेको छ । गोल्डकपमा प्रथम हुने टिमले ५० हजार ५ सय ५५ नगद सहित कप, मेडल र प्रमाणपत्र, द्धितिय हुने टिमले २५ हजार ५ सय ५५ नगद सहित मेडल र प्रमाणपत्र हात पार्ने छन् ।
बुधवार देखि जारी प्रतियोगिता कार्तिक २५ गतेसम्म सञ्चालन हुने छ ।खेल नकआउट चरणका आधारमा सञ्चालन भएको प्रतियोगिताका मुख्य रेफ्रि प्रकाश बिश्वकर्माले बताउनुभयो ।