तस्बिर: नेपाल प्रहरीकाे फेशवुक वालबाट
दाङ,१ फागुन।
पाल्पामा जिप दुर्घटना भएकाे छ । तिनाउ गाँउपालिका-६ मस्याम स्थित ईकोफम हाउस नजिकै भित्री कच्ची सडक खण्डमा भएकाे दुर्घटनामा ८ जनाकाे मृत्यु भएकाे नेपाल प्रहरीले जनाएकाे छ ।
डुम्रेबाट चिदीसतर्फ जाँदै गरेको लु १ ज २३७१ नम्बरको मुस्ताङ जिप अनियन्त्रित भई सडकबाट करिब तीन सय मिटर तल खसेकाे नेपाल प्रहरीले जानकारी दिएकाे छ ।
घटना लगत्तै दुर्घटनास्थलमा पुगेकाे प्रहरीले घाइतेहरूकाे उद्धार गरेकाे थियाे । घाइते भएकाहरूकाे लुम्बिनी मेडिकल कलेज प्रभासमा अहिले उपचार भइरहेको छ। प्रहरीले जिप चालकलाई नियन्त्रणमा लिएर घटनाको बारेमा थप अनुसन्धान भैरहेकाे जनाएकाे छ।
प्रकाशित मिति : २०८० फाल्गुन १ गते मङ्गलवार