दाङ, ५ फागुन ।
सगरमाथा बालबाटिका बोर्डिङ स्कुलले शनिबार १७ औं वार्षिकोत्सब मनाएको छ । तुलसीपुर -९ बेलुवामा रहेको विद्यालयले विभिन्न कार्यक्रम गरि वार्षिकोत्सब मनाएको हो ।
विद्यालय व्यवस्थापन समितिका अध्यक्ष यमकान्त खरेलको अध्यक्षता तथा तुलसीपुर उपमहानगरपालिकाका प्रमुख टिकाराम खड्काको प्रमुख आतिथ्यतामा वार्षिकोत्सव कार्यक्रम भएको हो ।
त्यस अवसरमा नगरप्रमुख खड्काले विद्यालय व्यवहारिक सिपयुक्त जनशक्ति उत्पादन गर्नुपर्ने बताउनुभयो । उहाँले संस्थागत विद्यालयले बिजारमा बिक्ने र टिक्ने जनशक्ति उत्पादन गर्नमा अब्बल देखिएकोे बताउनुभयो ।
कार्यक्रममा तुलसीपुर उपमहानगरपालिका वडा नम्बर ३ का अध्यक्ष बिरबहादुर बिक, वडा नम्बर ९ का अध्यक्ष घनश्याम ढकाल लगायतले संस्कारसहितको शिक्षामा जोड दिनुपर्ने बताउनुभयो । कार्यक्रमम आधुनिक गायक गोविन्द मधुर आचार्यले विभिन्न सांगितिक प्रस्तुती राख्नुभएको थियो ।
आचार्यका गितमा विद्यार्थी तथा अभिभावक रमाएका थिए । विद्यालयले १७ औँ वार्षिकोत्सव विभिन्न कार्यक्रम गरेको प्रधानाध्यापक छविकुमार वलीले बताउनुभयो ।
विद्यालयले वार्षिकोत्सवको अवसरमा विद्यार्थीको आँखा जाँच कार्यक्रम समेतको आयोजना गरेको उहाँले बताउनुभयो । कार्यक्रमको सहजीकरण विद्यालयका कार्यक्रम संयोजक शरद शर्मा मज्गैँयाले गर्नुभएको हो ।