दाङ,१८ फागुन।
सल्यानमा जन्मदिन मनाउन हिँडेका एक बालक दुई सातादेखि बेपत्ता भएका छन् । बागचौर नगरपालिका-१ कोटबेत ढाँडागाँउका १६ वर्षका मनोज बस्नेत फागुन पाँच गतेदेखि बेपत्ता भएका हुन् ।
मनोजका बुवा तेजबहादुर बस्नेतका अनुसार शनिवार साँझ साथीको जन्मदिन मनाउनु छ भनेर घरबाट हिँडेको जानकारी पाएको छु ।‘काम नगरे साँझ बिहानको छाक टर्देन ।’ उहाँले भन्नुभयो-‘ ज्याला मजदुरीको काम गर्न फागुन ३ गते सल्यानबाट दाङको तुलसीपुर झरेको हुँ,पाँच गते त छोरो हराएको खवर आयो । घरमा श्रीमती र आमा संगै छोरालाई छोडेर आएको थिए दुई दिनपछि बेपत्ता भएको खवर पाए चिन्ता लागेको छ ।’
मनोजले थारमारेकै माध्यामिक विद्यालयमा कक्षा ९ मा अध्ययन गर्छन । मनोजले हजुरआमासंग दुई हजार पाँच सय रुपैया मागेर शनिवार बेलुका पाँच बजेतिर साथीको जन्मदिन मनाउन जान्छु भनेर घरबाट निस्किएको पारिवारिक स्रोतले जानकारी दिएको छ । तेसपछि उनि सम्पर्क बिहिन भएका हुन् ।
बेपत्ता भएका बस्नेतले भाइरल ज्याकेट,कालो सर्ट, पाइन्ट र सेतो जुत्ता लगाएका छन् । उनलाई परिवारले खोजतलास गर्दा कतैपनि फेला नपारेकोले कहिँकतै फेला पार्नुहुनेले प्रहरी वा परिवारका सदस्यलाई ९८२९५९४४६९ र ९८१०८९२८०९ मा सम्पर्क गर्न हुन आग्रह गरेका छन् ।