दाङ, १८ फागुन ।
बबई गाउँपालिका वडा नम्बर ७ सिमलकुनामा रहेको सिद्धेस्वरी आधारभूत विद्यालयले अभिभावक भेला तथा शैक्षिक गुणस्तर अन्तरक्रिया कार्यक्रम गरेको छ ।
विद्यालय व्यवस्थापन समितिका अध्यक्ष मंम बहादुर भण्डारीको अध्यक्षता तथा वडा अध्यक्ष तिलकराम भण्डारीको प्रमुख आतिथ्य एवं विद्यालय शिक्षक अभिभावक संघका अध्यक्ष तिलक बहादुर वली र प्रधानाध्यापक दिनेश कुमार बुढाथोकीको विशिष्ट आथित्यतामा कार्यक्रम भएको हो।
विद्यालयका शिक्षक कल्पना बुढाथोकीको स्वागत मन्तव्यबाट शुरु भएको कार्यक्रममा प्रमुख अतिथि वडाअध्यक्ष भण्डारीले शिक्षाको सुधारका लागि शिक्षक, विद्याथी र अभिभावकको भूमिका महत्वपूणर् रहेको बताउनुभयो ।
यस्तै शिक्षाप्रेमी कुल बहादुर घर्तीले शिक्षाले जीवनलाई सहि बाटोमा लैजाने भएकाले सबैमा शिक्षा अनिवार्य हुनुपर्नेमा जोड दिनुभयो । कार्यक्रमका सरुवा भएर जानुभएका शिक्षक जिवना बस्नेत वलीलाई सम्मान पत्रका साथ सम्मान र सरूवा भएर आउनुभएका शिक्षक चिदुवा चौधरीलाई स्वागत गरिएको थियो । कार्यक्रम सहजीकरण शिक्षक शिब प्रसाद उपाध्यायले गर्नुभएको हो ।