तुलसीपुर, १६ चैत । नेपालको परनिर्भर शासन व्यवस्थाले नेपाली जनतालाई भोगिरहेको पीडा र राष्ट्रियता सम्बन्धी चिन्तालाई उजागर गर्ने उद्देश्यले दाङका पत्रकार यज्ञ बहादुर बुढा मगरले नयाँ राष्ट्रिय गीत “पर्खाईमा नेपाल आमा” सार्वजनिक गर्नुभएको छ ।
ग्राफिक मिडिया स्टुडियो नाम भएको युट्युब च्यानलमा अपलोड गरिएको राष्टिय गीत शुक्रवार रिपोर्टस क्लब अफ तुलसीपुरमा एक कार्यक्रमको आयोजना गरेर उक्त गीत सार्वजनिक गरीएको हो ।
गीतको शब्द रचना राप्ती पहिचानका डटकमका प्रकासक ऐग्य बहादुर बुढा मगरको रहेको छ । संगीत र लयमा शेर बहादुर डाँगीको योगदान छ । गीतमा नेपाली जनताको वर्तमान दुःख र परनिर्भर शासन व्यवस्थाको आलोचना गरिएको छ । जसले राष्ट्रका नागरिकलाई विपत्ति र असमर्थता झल्काएको छ । यस गीतमा नव-उदयमान गायिका रोजिना बस्नेतको सुमधुर स्वर रहेको छ ।
गीतमा अभिनय गर्ने कलाकारहरूको सूचीमा विजय मल्ल, भगवती महर, टंक मल्ल ९सुशान्त मल्ल०, पवित्रा के सी र ८६ वर्षीय टनिकला खत्री रहेका छन् । टनिकला खत्रीले गीतको भिडियोमा आमाको भूमिकामा अभिनय गर्दै आफ्नो भावनात्मक प्रतिक्रियासमेत व्यक्त गर्नुभएको छ ।
जसले गीतको विषयवस्तुलाई अझ प्रभावकारी बनाएको छ । गीतको छायांकन बिरु चौधरी र इडिटिङ सुशान्त मल्लले गर्नुभएको हो । रिपोर्टस क्लब अफ तुलसीपुरको अध्यक्ष शरद रेग्मीको अध्यक्षतामा कार्यक्रम भएको कार्यक्रममा गायक शेर बहादुर डाँगीले गीतका बारेमा जानकारी दिनुभएको थियो ।
सो अवसरमा जिल्ला प्रशासन कार्यालय दाङका सहायक प्रमुख जिल्ला अधिकारी यज्ञ बहादुर बुढा मगर, ईलाका प्रशासन कार्यालय तुलसीपुरका कार्यालय प्रमुख महेश कुमार गुरुङ, प्रेस युनियन दाङका अध्यक्ष नारायण खडका, क्रान्तिकारी पत्रकार संघ दाङका अध्यक्ष हेमन्त प्रकाश ओली लगायतको सहभागिता रहेको थियो ।
भिडियोसहित:
