२०८१ बैशाख ५ गते बुधवार

दाङ – सल्यान सडक फेरि अबरद्ध



सल्यान, २१ असोज ।
दाङ-सल्यान सडकखण्ड फेरि अबरुद्ध भएको छ । राप्ती राजमार्ग अन्तर्गत कपुरकोट-३ मुलपानीमा पहिरो खसेका कारण सडक अवरुद्ध भएको सल्यान प्रहरी प्रमुख डिएसपी दामोदर केसीले जानकारी दिनुभयो ।

बिहान चोर खोलामा खसेको ढुंगा हटाएपछि कपुरकोट-तुलसीपुर सडक सुचारु भएपनि फेरि मूलपानीको पहिरोले बाटो अवरुद्ध भएको उहाँले बताउनुभयो । वर्षात निरन्तर भइरहेका कारण पहिरो खस्ने र हटाउने काम निरन्तर भइरहेको उहाँको भनाई छ । पहिरोका कारण सवारी साधन बिचबाटोमै रोकिएका छन् ।

सडक अवरुद्ध भएका कारण तुलसीपुरको गोठीखोलामै सवारीलाई रोकिराखेको इलाका प्रहरी कार्यालय तुलसीपुरका प्रमुख डिएसपी श्यामु अर्यालले जानकारी दिनुभयो ।

प्रकाशित मिति : २०७९ असोज २१ गते शुक्रवार