२०८१ बैशाख ११ गते मङ्गलवार

उपराष्ट्रपति निर्वाचन आज,परिणाम वेलुका ६ वजेभित्र सार्वजनिक हुने



काठमाडौं ,३ चैत ।
उपराष्ट्रपति पदको निर्वाचन आज हुँदै छ । नयाँ बानेश्वरस्थित संघीय संसद् भवनको ल्होत्से हलमा उपराष्ट्रपति चयनका लागि मतदान हुँदैछ ।

बिहान १० बजेदेखि अपराह्न ३ बजेसम्म मतदानको व्यवस्था मिलाइएको निर्वाचन अधिकृतको कार्यालयले जनाएको छ । निर्वाचनको सम्पूर्ण तयारी पूरा भएको सहायक निर्वाचन अधिकृत अमृताकुमारी शर्माले जानकारी दिनुभयो । मतदान सम्पन्न भएलगत्तै मतगणना सुरु गर्ने र साँझ ६ बजेभित्र निर्वाचन परिणाम सार्वजनिक गर्ने तयारी गरिएको शर्माले बताउनुभयो ।

उपराष्ट्रपति पदको निर्वाचनका लागि नेकपा एमालेका अष्टलक्ष्मी शाक्य सत्ता गठबन्धनको तर्फबाट जसपाका रामसहायप्रसाद यादव, जसपाकै प्रमिला कुमारी यादव र जनमत पार्टीका ममता झा गरी चार उम्मेदवार छन् ।

प्रकाशित मिति : २०७९ चैत्र ३ गते शुक्रवार