२०८१ साउन ५ गते आइतवार

सेवार खोलामा बाढी आएपछि घोराही-तुलसीपुर सडक अवरुद्ध



दाङ, २२ असार ।
घोराही-तुलसीपुर सडकखण्डअन्तर्गत सेवार खोलामा पानीको बहाव बढेपछि सडक अवरुद्ध भएको छ । सवारी साधनले वैकल्पीक बाटोको प्रयोग गरेको जिल्ला प्रहरी प्रवक्ता डिएसपी जनक बहादुर मल्लले जानकारी दिनुभयो ।

सेवार खोलामा चार लेनको पुल निर्माण भइरहेको छ । पुल निर्माणस्थलमा डाईभर्सन नहुँदा यात्रामा सास्ती हुने गरेको छ । यस्तै हापुर खोलामा पनि पानीको बहाव बढेपछि साना सवारी साधनलाई आवागमनमा समस्या भएको छ ।

घोराही-तुलसीपुर सडकखण्डका अधिकांश खोलामा पुल बनिसकेका छन् । सेवार खोला र हापुर खोलामा पुल निर्माण गर्न बाँकी छ । सेवार खोलामा पुल निर्माण सुरु भए पनि हापुर खोलामा कहिले पुल निर्माण हुने हो टुङ्गो छैन् ।

प्रकाशित मिति : २०८१ असार २२ गते शनिवार