दाङ, चैत २४ । दाङको तुलसीपुर उपमहानगरपालिका-३ डाँडाखुट्टिमा वनभेरीको टोकाईबाट पाँचजना घाइते भएका छन्।
आइतबार साँझ साढे ६ बजेतिर बाटोमा हिँडिरहेका उनिहरूलाई वन भेरीले टाेक्दा घाइते भएकाे इलाका प्रहरी कार्यालय तुलसीपुरका प्रहरी प्रवक्ता प्रहरी निरीक्षक सूर्य रानाले जानकारी दिनुभयो।
उहाँका अनुसार घाइते हुनेहरूमा तुलसीपुर-११ जसपुरका ४० वर्षीय बसन्त बुढाथोकी उहाँकी श्रीमती शिवा बुढाथोकी र २ वर्षीय छोरा ऋषिराज बुढाथोकीसहित पाँच जना घाईते भएका छन् । उनिहरू सबैको अवस्था मध्यम रहेको छ । तुलसीपुर स्थित राप्ती प्रादेशिक अस्पतालमा सामान्य उपचारपछि थप उपचारका लागि उनिहरू तीनै जनालाई नेपालगञ्ज रिफर गरिएको प्रहरीले जनाएको छ।
साे घट्नामा तुलसीपुर-३ डाँडखुट्टीका ३५ वर्षीया मनकुमारी केसी र उहाँका १० वर्षीय छोरा यमलाल केसी पनि घाइते भएका छन्। मनकुमारीकाे शरीरका विभिन्न भागमा भेरीले टोकेको छ र यमलालको टाउकोमा सामान्य घाउ छ। उनिहरू दुबैजनकाे अवस्था सामान्य रहेकाे अस्पतालले जनाएको छ।
