तुलसीपुर, १ फागुन ।
बेलझुण्डीमा जारी प्याब्सन आधारभूत विद्यालयस्तरिय फुटबल प्रतियोगितामा हाम्रो पहुँच माध्यमिक विद्यालय सेमिफाइनलमा प्रवेश गरेको छ ।
सोमबार दिउँसो भएको खेलमा हाम्रो पहुँचले बालअमृत एकाडेमी तुलसीपुरलाई शून्यका विरुद्ध तीन गोल गरेको हो ।
प्रतियोगितामा जित निकाल्दै हाम्रो पहुँच मावि सेमिफाइनलमा प्रवेश गरेको प्रधानाध्यापक डिआर भण्डारीले जानकारी दिनुभयो । हाम्रो पहुँचले मंगलबार फाइनलका लागि तुलसी बोर्डिङ स्कुलसंग प्रतिष्पर्धा गर्ने भएको छ ।
यस्तै गोर्खा मावि र आइडिएल बोर्डिङ पनि फाइनलका लागि भिड्ने भएका छन् । प्रतियोगिताको बिजेता, उपबिजेता र तृतीय स्थान हासिल गर्ने विद्यालयले क्रमशः नगद ९ हजार, ७ हजार, ५ हजार कप मेडल तथा प्रमाणपत्र हात पार्ने छन् ।
त्यस्तै व्यक्तिगत विधा तर्फ उत्कृष्ट खेल प्रदर्शन गर्ने बेस्ट प्लेयर, बेस्ट किपर, बेस्ट डिफेन्स, हाई स्कोरर खेलाडी लाई ट्रफी प्रदान गरिने छ ।