तस्विर : दिपिका पुनको फेशवुक वालवाट
तुलसीपुर, ९ माघ ।
तुलसीपुरमा सिमेन्ट बोकेको गाडी दुर्घटनामा परी तीन जना घाईते भएको छन् ।
दुर्घटनामा परी गाडी चालक तुलसीपुर-७ डाँडापातुका ३० वर्षिय गंगा चौधरी, गाडीमा सवार तुलसीपु-४ खाद्रेका ४४ वर्षिय शेर बहादुर खड्का र तुलसीपुर-४ लामीदमारका ६४ वर्षिय जुव बहादुर खत्री गम्भिर घाईते भएको प्रहरीले जनाएको छ ।
घाईतेको राप्ती प्रादेशिक अस्पतालमा सामान्य उपचारपछि थप उपचारका लागि नेपालगञ्ज रिफर गरिएको ईलाका प्रहरी कार्यालय तुलसीपुरका प्रमुख डिएसपी ठाकुरप्रसाद पोखरेलले जानकारी दिनुभयो ।
तुलसीपुरबाट लामिदमारतर्फ जाँदै गरेको रा १ ज ४०९ नम्बरको गाडी मंगलबार दिउँसो साढे दुई बजेतिर तुलसीपुर-४ लामीदमारमा दुर्घटनामा परेको हो । गाडी करिब ६० मिटर तल खसेको छ । गाडी आफै अनियन्त्रित भएर दुर्घटनामा परेको प्रहरीले जनाएको छ ।
प्रकाशित मिति : २०८० माघ ९ गते मङ्गलवार
