तुलसीपुर, २५ फागुन ।
तुलसीपुर-६ गोलौरा निवासी चिन्तामणी रेग्मीले जन्मदिनको अवसरमा तुलसीपुर कारागारमा रहेका कैदिवन्दि र आश्रित बालबालिकालाई लत्ताकपडा,जुता,बैसाखी लगाएत खेलकुदका सामाग्री वितरण गर्नुभएको छ ।
कारागार कार्यालय तुलसीपुरका कारागार प्रशासक समेत रहनुभएका रेग्मीले आफ्नो जन्मोत्सवको अवसरमा सहयाेग सामाग्री प्रदान गर्नुभएकाे हाे ।
तुलसीपुर कारागारमा बन्दी जीवन विताईरहेका तर परिवारसंग सम्पर्क नभएका,आर्थिक अवस्था कमजोर, शारीरिक रुपमा अशक्त एवं आश्रीत बालबालिका सहित २४ जना व्यक्तिहरुलाई आवश्यक सामाग्री हस्तान्तरण गर्नुभएको छ ।
जन्मदिनमा फजुल खर्च गर्ने प्रवृति बढ्दै गएको समयमा कारागारमा रहेका कैदिवन्दि र आश्रीत बालबालिकालाई सहयाेग सामाग्री वितरण गरेर रेग्मीले जन्मदिन मनाउनुभएकाे हाे । जन्मदिनमा खानपिन गरेर फजुल खर्च गर्नुभन्दा अशक्त बालबालिकालाई सहयोग गर्दा बढी आत्मसन्तुष्टी प्राप्त हुने गरेको उहाँले बताउनुभयो ।
जन्मदिनमा बिगतका वर्षमा पनि विभिन्न ठाँउमा रहेका बेसहारा बालबालिकालाई सहयोग गर्नुभएको थियो