फाइल तस्बिर
दाङ २४ असार ।
दाङमा मोटरसाइकल अनियन्त्रित भएर दुर्घटना हुँदा दुई जना घाइते भएका छन्।
तुलसीपुरबाट पश्चिम रगैचातर्फ जाँदै गरेको रा ७ प ७८६७ नम्बरको मोटरसाइकल आज (सोमबार) बेलुका साढे पाँच बजेतिर दङ्गीशरण गाउँपालिका ७ बाँकामा अनियन्त्रित भएर दुर्घटना हुँदा मोटरसाइकलमा सवार आमाछोरा घाइते भएका छन्।
दुर्घटनामा शान्तिनगर गाउँपालिका ५ का ७३ वर्षीय नन्दकली खड्का र उहाँका ४७ वर्षीय छोरा वेदबहादुर खड्का घाइते हुनुभएको हो।
इलाका प्रहरी कार्यालय तुल्सीपुरका प्रहरी प्रवक्ता एवं प्रहरी निरीक्षक प्रकाश थापाका अनुसार मोटरसाइकलमा पछाडिसवार नन्दकली खड्काको दुबै हात,टाउको र मुखमा चोट लागेको छ। उहाँकाे अवस्था मध्यम रहेकाे छ भने मोटरसाइकल चालक छाेरा वेदबहादुर खड्काको अवस्था भने सामान्य रहेको प्रहरीले जनाएको छ।
नन्दकलिलाई तुलसीपुरमा सामान्य उपचार पछि थप उपचारका लागि नेपालगंज नर्सिङ होम बाँकेमा रेफर गरिएकाे छ ।