तुलसीपुर , ९ फागुन । डाक्टर सम्शेर थापालाई सम्मान तथा बधाई गरिएको छ । नेपाल नेत्रज्योति संघ, आँखा स्वास्थ्य कार्यक्रम राप्ती तथा बहादुरगञ्जका प्रमुख प्रशासक डा.सम्शेर थापाले विद्याबारधि डाक्टरको उपाधि हासिल गरे संगै एक कार्यक्रमका विच बधाई तथा सम्मान गरिएकोहो ।
नेपाल नेत्रज्योति संघ, आँखा स्वास्थ्य कार्यक्रम राप्ती तथा बहादुरगञ्ज तुलसीपुर दाङ र लायन्स क्लव अफ गोरक्ष देउखुरीले लमही आँखा अस्पतालमा बधाई तथा सम्मान गरेकोहो ।
नेपाल नेत्रज्योति संघ दाङका सभापति कृष्णकुमार गिरीको अध्यक्षतामा भएको कार्यक्रममा बोल्ने वक्ताहरुले डा। थापाको अर्थक प्रयास र मिहेनतले पिएचडी अध्यन पुरा गरेको भन्दै आगामी दिनमा पनि थप सफलताको शुभकामना दिएका थिए ।
आँखा स्वास्थ्य कार्यक्रममा दुई दर्शक भन्दा अगाडी देखि क्रियासील भई प्रशासकको रुपमा काम गरेका डा.थापाले जगन्नाथ विश्वविद्यालय जयपुर राजस्थानवाट व्यवस्थापन विषयमा पिएचडी अध्यापनपुरा गरि विद्याबारधि डाक्टरको उपाधि हासिल गगर्नुभएको हो ।
कार्यक्रममा बोल्दै नेपाल नेत्रज्योति संघ दाङका सभापति गिरीले संघद्धारा सञ्चालित अस्पतालहरुको उत्कृष्ट प्रशासकिय जिम्मेवारी पुरा गरेको भन्दै विद्याबारधि उपाधि संगै थप उत्कृष्ता हासिल गर्ने बताए । त्यस्तै गिरीले डा. थापाको उत्कृष्ट प्रशासकिय जिम्मेवारी निभाई तिनवटा अस्पताललाई व्यवस्थीत गरेको बताउनुभयो ।
सभापति गिरीले नेपाल नेत्रज्योति संघ अन्तर्गत सञ्चालित अस्पतालहरुबाट थप विशेषज्ञ सेवा साथै यसलाई गुणस्तरी सेवा प्रवाह गर्ने संस्था बनाउन सवैले पहल गरिरहेको बताउनुभयो । गिरीले संघले सञ्चालन गरेका आँखा अस्पतालहरु अहिले देशकै अवल सावित हुदै जानु कुशल व्यवस्थापन र प्रशासन भएको बताउनुभयो । कार्यक्रममा नेपाल नेत्रज्योति संघ दाङका उपसभापति रेशमबहादुर खड्काले डा। थापाको कुशल व्यवस्थापन प्रसंसनिय भएको बताउनुभयो ।
त्यस्तै सचिव घनश्याम सुवेदीले संघद्धारा सञ्चालित अस्पतालहरुको व्यवस्थापकीय पक्ष झनै उच्च हुने भन्दै बधाई ज्ञापन गर्नुभएको हो । कार्यक्रममा लायन्स क्लव अफ गोरक्ष देउखुरीका अध्यक्ष मधुप्रसाद न्यौपाने, नेपाल नेत्रज्योति संघ दाङका कोषाध्यक्ष श्यामप्रकास आचार्य सहकोषाध्यक्ष प्रणवकुमार खड्का, सदस्य ध्रुव गौतम, छन्दबहादुर जिसी, समाज सेवि शेषदत्त चौधरीले पिएजडि उपाधि हासिल गर्ने चानचुने कुरा नभएको भन्दै संस्थाको डा. थापा लगायत संस्थाको समेत गौरवको विषय भएको बताएका थिए ।
त्यस्तै विभिन्न व्यक्ति कर्मचारीहरुले डा।.थापालाई बधाई ज्ञापन गरेका थिए । कार्यक्रममा डा. थापाले विद्याबारधि हासिल गर्न सहयोग गर्ने नेपाल नेत्रज्योति संघ, तथा आफुलाई प्रत्यक्ष अप्रत्यक्ष रुपमा सहयोग गर्ने सवैलाई धन्यवाद ज्ञापन गर्नुभएको थियो।
आफुले सवैको साथ हौसलाबाट आफुले व्यवस्थापन विषयमा पिएजडी उपाधि हासील गर्न सफल भएको भन्दै यो अन्य कर्मचारीहरुको लागि पनि प्रेणादायिक उदारण बन्नु पर्ने बताउनुभयो । डा. थापाले आफुले आफ्नो जिवनको अनुभवको संगालोबाट विद्याबारधिको उपाधि हासिल गरेको भन्दै त्यो भन्दापनि बढी समाज सेवीहरुले सेवा र अनुभवले विद्याबारधि गरी सकेको बताउनुभयो । नेपाल नेत्रज्योति संघ आँखा स्वास्थ्य कार्यक्रम राप्ती तथा बहादुरगञ्ज अन्तर्गत सञ्चालित अस्पताल र उपचार केन्द्रको थप प्रशासनिक सुधारका लागि सवैले साथ सहयोग दिनुपर्ने बताउनुभयो । डा. थापा लायन्स इन्टरनेशनल ३२५ एनका डिष्ट्रिक्ट एक्जेक्यूटिभको चिफ तथा लायन्स क्लव अफ स्वर्गद्धारीका संस्थापक अध्यक्ष हुनुहन्छ ।
