तुलसीपुर, ८ असार ।
तुलसीपुर(४ तल्लो हलवारका गंगाराम चौधरी बिगत एक सातादेखि बेपत्ता भएकाले खोजिदिन परिवारजनले आग्रह गरेका छन् । गत सोमबार भारतको सिमला देखि स्वदेश फर्किनेक्रममा भारतकै चन्डिगढ आईपुगेपछि सम्पर्कविहिन भएपछि खोजि गरिदिन परिवारका आफन्तले आग्रह गरेका हुन् ।
एकसाता अगाडी वर्दियाका ३ जना सहित ६ जना आउने क्रममा बिचबाटोमै अपरिचित ब्यक्तिले नसालु पदार्थ खुवाएर अचेत गराई लुटपाट गरेको गंगारामका श्रीमती कृष्णी चौधरीले बताउनुभयो ।
अचेत बनाई लुटपाट गरेको र आफु होसमा आउदा बर्दिया जिल्लाका ३ जना सहित अन्य कसैलाई पनि फेला पार्न नसकेको भारतदेखि उहाँसँगै साथमै आएका उहाँ भान्जा नाता पर्ने सुजन चौधरीले बताउनुभयो ।
उहाँका अनुसार आफुसँग भएको मोबाईल, नेपाली करिव साढे २६ हजार, आफुसँग भएका सामानका साथै अर्का साथमै रहेका बेपत्ता चौधरीका सहोदर भान्जा रबिन चौधरीको साथमा रहेको कारव २२ हजार भारतिय रुपैया, मोवाईल लगाएत आफ्ना सम्पुणर् सामान लुटिएएको उहाँको भनाई छ ।
त्यसैगरि बेपत्ता आफ्ना मामा २१ हजार भारतिय रुपैया सहित सम्पर्कबिहिन भएको उहाँले बताउनुभयो । आफ्नो साथमा आएका बर्दियाका तीनजना पनि सम्पर्कबिहिन रहेको परिवारले जनाएको छ ।
वेपत्ता गंगारामकी श्रीमती कृष्णिले उहाँलाई फेलापार्ने जोकोहिले नजिकैको प्रहरी चौकी वा सम्पर्क मोबाईल नम्बर ९८४४१२२३२८ वा ९८२२९२४२५६ मा सम्पर्क गरिदिन उहाँले आग्रह गर्नुभएको हो ।