सल्यान, २१ साउन ।
सल्यानमा घाँटी रेटिएको अवस्थामा एक महिलाको शव फेला परेको छ ।सल्यानको शारदा नगरपालिका-१४ माल्नेटाका ३९ वर्षीय प्रमिला गिरी आज बिहान गाउँ नजिकै मकैँबारीमा मृत फेला परेको जिल्ला प्रहरी कार्यालय सल्यानका सूचना अधिकारी गोपाल श्रेष्ठले जानकारी दिनुभएको छ ।
आज बिहानै घरबाट घाँस काट्न बारीमा पुगेका गिरी घर नआएपछि परिवारले खोजतलास गर्दैजादा मकैँबारीमा मृत अवस्थामा भेटिएको प्रहरीले जनाएको छ ।
घटनास्थलमा प्रहरीको टोली पुगिसकेको जिल्ला प्रहरी कार्यालय सल्यानले जनाएको छ । घटनाको विषयमा थप अनुसन्धान भइरहेको प्रहरीले जनाएको छ ।
प्रकाशित मिति : २०८० साउन २१ गते आइतवार