२०८१ जेष्ठ ३१ गते बिहिवार

शेयर बजार आज १ सय ११ अङ्कले बढ्यो



दाङ,२४ मंसिर
दुई वर्षपछि नेप्से सूचक सकारात्मक सर्किट लागेर बन्द भएको छ। मौद्रिक नीतिको पहिलो त्रैमासिक समीक्षापछि आइतबार नेप्से सूचक ६ प्रतिशतले बढेको हो।

आइतबार नेप्से सूचक ६ प्रतिश्त अर्थात १११.२० अंकले बढेर १९६३.९८ विन्दुमा पुगेको हो। करिब २ वर्षपछि नेप्से सकारात्मक सर्किट लागेर बन्द भएको हो।

यसअघि २०२१ डिसेम्बर १४ मा नेप्से सूचक ६.०१ प्रतिशतले बढेर बन्द भएको थियो। सो पश्चात आइतबार नेप्सेमा सर्किट लागेको हो।

आइतबार नेप्सेमा कारोबार खुलेको पहिलो ५ मिनेटमा ४ प्रतिशत बढेर २० मिनेटको लागि पहिलो सर्किट लागेको थियो भने सो पश्चात खुलेको बजार दुई मिनेटको कारोबारमा नै ५ प्रतिशत बढेपछि ४० किनेटको लागि सर्किट ब्रेक लागेको थियो। दोस्रो सर्किटपछि खुलेको बजार पनि दुई मिनेटमा नै १ प्रतिशत बढेर नेप्से कुल ६ प्रतिशतले बढेपछि आइतबारको लागि कारोबार बन्द भएको हो।

 

 

प्रकाशित मिति : २०८० मङ्सिर २४ गते आइतवार