तुलसीपुर,४ माघ ।
दाङ तुलसीपुरमा रहेको राइजिङ टुगेदर मिडिया प्रालि द्वारा सन्चालित सिएनटीप्रेस डटकमले पहिलो स्थापना दिवसको अवसरमा विभिन्न कार्यक्रम गरी मनाएको छ ।
प्रालीले स्थापना दिवसका अवसरमा तुलसीपुरमा रक्त्तदान कार्यक्रम गरेको छ । नेपाल रेडक्रस सोसाइटी रक्त सञ्चार सेवाकेन्द्र तुलसीपुरमा रगत अभाव भएका कारण रक्तदान कार्यक्रम गरिएको सिएनटी प्रेसका प्रमुख/ सम्पादक सागर सुबेदीले बताउनुभयो ।
तुलसीपुर उपमहानगरपालिका वडा नं १६ का वडा अध्यक्ष शिवानन्द डि सीको प्रमुख आतिथ्यमा सम्पन्न रक्तदान कार्यक्रम गरीएको हो ।
प्रमुख अतिथि अध्यक्ष डिसीले समाज परिवर्तनको पक्षमा काम गर्ने समाचार संस्थाले सामाजिक कार्यको कार्यक्रम आयोजना गरी समाज र राष्ट्रको लागि हित हुने काम गर्नु गर्वको कुरा रहेको बताउनुभयो ।
कार्यक्रममा अतिथिहरु नवराज गौतम , नवराज सुवेदी, देवेन्द्र कालाथोकी, वंशीराज शर्मा,प्रेम वली लगायतको उपस्थिती रहको थियो ।
स्थापना दिवशकै अवसर यसअघि २ दिने आधारभूत पत्रकारिता तालिम सन्चालन समेत गरएिको थियो । कार्यक्रममा आधारभूत पत्रकारिता तालिमका प्रशिक्षकहरु बसन्त पौडेल,जित सागर जि एम,मदन बि क, राकेश बस्नेत, दिपक बोहोरा, सुमन के सी,यज्ञ बहादुर बुढालाई सम्मान गरिएको थियो ।