तुलसीपुर, १० माघ ।
मानव सेवा आश्रम तुलसीपुरको भवन निर्माणार्थ आयोजना हुन लागेको महायज्ञ सफल बनाउन तुलसीपुर-७ भित्र रहेका टोल विकास संस्थाका अध्यक्षहरुसंग छलफल गरीएको छ ।
तुलसीपुर उपमहानगरपालिका वडा नंम्बर ७ को कार्यालय खर्चवामा भएको छलफलले महायज्ञमा सक्रिय रुपमा सहभागीता जनाउने निणर्य गरेको वडा अध्यक्ष राम बहादुर जिसीले बताउनुभयो ।
तुलसीपुर उपमहानगरपालीका वडा नं ४ र ७ को सिमानामा रहेको कालीका मालीका मन्दिर परिसरको जग्गामा भवन निर्माणका लागी महायज्ञको आयोजना गरीएको छ ।
महायज्ञ माघ १३ गते देखि २० गतेसम्म सञ्चालन हुन लागेको हो । सोही तयारी स्वरुप आज (बुधबार)वडा कार्यालयमा छलफल गरीएको हो । छलफलले मानव सेवा भवन निर्माणका लागि वडा नंम्बर ७ भित्र रहेका सम्पूणर् टोल विकास संस्थाको तर्फबाट ५ हजार ५ देखि माथि इच्छा अनुसार संकलन गरी वडा कार्यालय मार्फत सहयोग गर्ने निणर्य गरेको वडा अध्यक्ष जिसीले जानकारी दिनुभयो ।
सोभायात्रामा सम्पूणर् टोल विकास संस्थाको तर्फबाट कला संस्कृति र परम्परा झल्कने गरी झाकी जुलुसमा सहभागिता जनाउने निणर्य गरेको छ । यसैबिच छलफलले महायज्ञलाई सफल बनाउन वडा अध्यक्ष जिसी संयोजक रहनेगरी वडा सदस्य मान बहादुर राना,शोभाराम भण्डारी,दिवानी चौधरी र डिला विश्वकर्मालाई सह सहसंयोजक,सम्पूणर् टोल विकास संस्थाका अध्यक्षहरुलाई सदस्य र वडा सचिवलाई सदस्य सचिवमा चयन गरिएको छ ।