तुलसीपुर, ३२ साउन ।
दाङको तुलसीपुर उपमहानगरपालिका वडा नम्बर २ मा रहेको माद्यामिक विद्यालय बालापुरमा अध्ययनरत विद्यार्थीहरुलाइ शैक्षिक सामाग्री वितरण गरिएको छ । आज शुक्रबार एक कार्यक्रमको आयोजना गरी विद्यार्थीहरुलाई शैक्षिक सामाग्री वितरण गरिएको हो ।
तुलसीपुर सामाजिक विकास केन्द्रको आयोजना तथा रोटरी क्लव अफ तुलसीपुर सिटी, तुलसीपुर ग्रिल व्यवसायी संघ र द पार्क क्याफे तुलसीपुरको आर्थिक सहयोगमा विद्यार्थीहरुलाई शैक्षिक सामाग्री सहित जुत्ता, मोजा लगाएतका सामाग्री वितरण गरिएको हो ।
तुलसीपुर सामाजिक विकास केन्द्रका अध्यक्ष ओद बहादुर भण्डारीको अध्यक्षता तथा तुलसीपुर उपमहानगरपालिकाका कार्यवहाक नगर प्रमुख तथा वडा नम्बर २ का अध्यक्ष भिम बहादुर योगीको प्रमुख आतिथ्यता तथा तुलसीपुर उद्योग वाणिज्य संघका अध्यक्ष विनिल केसीको विशिष्ठ आतिथ्यतामा भएको कार्यक्रममा कक्षा १ देखि ५ कक्षा सम्म अध्ययन गर्ने ३० जना विद्यार्थीहरुलाई शैक्षिक सामाग्री वितरण गरिएको हो ।
कार्यक्रमका प्रमुख अतिथि योगीले यो शैक्षिक सामाग्रीले विद्यार्थीहरुलाई पढ्नमा सहयोग पुग्ने बताउनुभयो । विशिष्ठ अतिथि केसीले क्लवले पहिले देखि नै सामाजिक काम गदै आएको बताउनुभयो ।
कार्यक्रममा विद्याल व्यबस्थापन समितिका अध्यक्ष तिलक बहादुर केसी, पूर्व अध्यक्ष भिम बहादुर वली, रोटरी क्लब अफ तुलसीपुर सिटिका पूर्व अध्यक्ष विमल रिजाल, तुलसीपुर ग्रील व्यवसायी संघका उपाध्यक्ष दिपक केसी, समाजसेवि टिकाराम कँडेल लगाएतकाले मन्तव्य राख्नुभएको हो ।
माद्यामिक विद्यालय बालापुरकका प्रधानाध्यापक गणेशमान खड्काको स्वागत मन्तव्यबाट सुरु भएको कार्यक्रमको सहजिकरण तुलसीपुर सामाजिक विकास केन्द्रका सचिव सागर सुवेदीले गर्नु भएको हो ॥