दाङ, ८ भदौ ।
तुलसीपुरमा आज तीन घण्टा विद्युत अवरुद्ध हुने भएको छ । नेपाल विद्युत प्राधिकरण तुलसीपुर वितरण केन्द्र प्रमुख शिव नारायण गोशलीका अनुसार बिहान साढे १० बजेदेखि दिउँसो साढे १ बजेसम्म विद्युत सेवा अवरुद्ध हुने भएको हो ।
तुलसीपुर बितरण केन्द्रको कार्यक्षेत्र भित्र पर्ने हापुरे १३२ केभि सबस्टेशनदेखि तुलसीपुर सबस्टेशनसम्मको ३३ केभि फिडरमा जम्पर मर्मत गर्न पिन फेर्ने र रुखका हागाँ, बाँस काट्ने लगायतका कामका लागि तीन घण्टा विद्युत अवरुद्ध हुने भएको हो ।
प्रकाशित मिति : २०८१ भाद्र ८ गते शनिवार