दाङ,२ चैत। नेपाल आयल निगमले पेट्रोल र डिजेलकाे मुल्य घटाएको छ । निगम सञ्चालक समितिको बैठकले आइतबार बिहान १ बजेदेखि लागू हुने गरी पेट्रोलमा प्रति लिटर ५ रुपैयाँ ले घटाएको छ। यस्तै डिजेल र मट्टीतेलमा प्रति लिटर ४ रुपैयाँले घटाएकाे छ ।
मूल्य घटेसँगै पेट्रोल पहिलो वर्गका लागि प्रति लिटर १६० रुपैयाँ ५० पैसा, दोस्रो वर्गका लागि प्रति लिटर १६२ रूपैयाँ र तेस्रो वर्गका लागि प्रति लिटर १६३ रूपैयाँ कायम गरिएको छ।
यस्तै डिजेल र मट्टीतेल पहिलो वर्गका लागि प्रटिलिटर एक सय ४८ रुपैयाँ ५० पैसा, दोस्रो वर्गका लागि एक सय ५० र तेस्रो वर्गका लागि १ सय ५१ कायम भएको छ । इन्डियन आयल कर्पाेरेसनबाट इन्धनको मूल्य घटेर आएकाले नेपाल आयल निगम सञ्चालक समितिको बैठकले मूल्य समायोजन गरेको जनाएको छ।
निगमले चारआली, विराटनगर, जनकपुर, अमलेखगन्ज, भलबारी, नेपालगन्ज, धनगढी र वीरगञ्जलाई पहिलो, सुर्खेत र दाङलाई दोस्रो तथा काठमाडौँ, पोखरा र दिपायल डिपोलाई तेस्रो वर्गका रुपमा तोकेको छ ।
नयाँ मूल्य निगमको डिपोदेखि १५ किलोमिटरसम्मका लागि पेट्रोलियम पदार्थको नयाँ खुद्रा बिक्री मूल्य लागू हुनेछ ।
