तुलसीपुर, ११ चैत ।
तुलसीपुर उपमहानगरपालिका पर्यटन शाखा प्रमुख झरेन्द्र खरेलले नगदसहित भेटाएको पर्स सम्बन्धित व्यक्तिलाई बुझाउनुभएको छ ।
तुलसीपुर उपमहानगरपालिका वडा नम्बर ६ गाइडहरका सिमान्त केसीले तुलसीपुर-३ दमारगाउँमा हराएको पर्स प्राप्त गर्नुभएको हो ।
शनिबार बेलुकीपख नगद ८ हजारसहित भेटाएको पर्स सम्बन्धित व्यक्ति सिमान्तलाई आइतबार कार्यकक्षबाटै बुझाउनुभएको हो ।
पर्स भेटाएपछि सामाजिक संजालमा फोटो पोष्ट गरेको र आवश्यक प्रमाणसहित सम्बन्धित व्यक्ति सम्पर्कमा आएपछि पर्स बुझाउन सफल भएको प्रमुख खरेलले बताउनुभयो ।
पर्स प्राप्त गरेपछि सम्बन्धित व्यक्ति केसीले खरेरलाई धन्यावाद ज्ञापन गर्नुभयो ।
प्रकाशित मिति : २०८० चैत्र ११ गते आइतवार