मेष राशि-पारिवारिक सफल यात्राको योग रहला। सन्तानबाट शुभ समाचार प्राप्त होला। कार्यक्षेत्रबाट लाभ प्राप्त होला। व्यवसायमा सफलता मिल्नेछ। सोचेअनुसार कार्य बन्नाले मन प्रसन्न रहला। दिन रमाइलोसँग बित्नेछ। पारिवारिक जमघट होला। अधुरा कार्यहरू सुचारु हुनेछन्। कुनै पनि निर्णय गर्दा ख्याल राख्नु होला।
वृष राशि-आजको दिन मध्यम फलदायी रहला। व्यवसायमा सोचेअनुसार सफलता मिल्ने छैन। कार्य गर्दा एकदमै ध्यान दिनुपर्नेछ। विद्यार्थीका लागि उपयुक्त समय छैन। पढाइमा मन जाने छैन। स्वास्थ्यमा विशेष ख्याल राख्नु होला। खर्च बढ्ला।
मिथुन राशि-कार्यक्षेत्रमा ज्ञान र लगनशीलताको प्रशंसा बढ्नेछ। बेचैनी हटेर जानेछ। रोकिएका कार्यहरू पुनः सुचारु होलान्। कारोबारमा सहजता बन्नाले मन हर्षित हुनेछ। मनका विकारहरू हट्नेछन्। पुराना मित्रसँगको मिलनले मन प्रसन्न रहला।
कर्कट राशि-आर्थिक कारोबार बलियो हुनेछ। सोचेअनुसार कार्य अगाडि बढ्नाले मन हर्षित होला। व्यवसायमा नयाँ कार्यहरू हात लाग्नेछन्। साथीभाइको पूर्ण साथ मिल्नेछ। शिक्षा क्षेत्र मजबुत रहला। आज आफूलाई ऊर्जावान महसुस होला।
सिंह राशि-धार्मिक कार्यमा रुचि बढ्ला। धैर्यताले कार्य गर्दा शुभफल प्राप्त होला। नकारात्मक सोचबाट बचेर काम गर्दा लाभ हुनेछ। लापरवाह वाणीले दुःख दिन सक्छ। समाजमा प्रतिष्ठा बढ्नेछ। विद्यार्थीका लागि उत्साहपूर्ण दिन रहला। कानुनी कार्यमा सजग रही कार्य गर्दा सहजता हुनेछ। प्रतिस्पर्धामा सफलता मिल्ला।
कन्या राशि-एकपछि अर्को जिम्मेवारी थपिनेछ। अलिकति बोझ थपिँदा थकान महसुस होला। कर्जा दिन आज उपयुक्त रहने छैन। शिक्षा क्षेत्रमा प्रगति हुनेछ। वाणीमा मिठास बढ्नेछ। आफूअनुकूल समय रहनाले कार्यसम्पादनमा सहजता छाउला। स्वास्थ्यलाई लिएर चिन्ता बढ्नेछ। सवारी चलाउँदा ध्यान दिनु होला।
तुला राशि-पारिवारिक भेटघाट तथा मित्र मिलन होला। आर्थिक पक्ष बलियो हुनेछ। आत्तिएर कुनै पनि निर्णय नगर्नु होला। व्यवसायिक सफलता मध्यम रहला। यात्रा गर्दा सतर्क रहनु होला। पारिवारिक सुख प्राप्त हुनेछ। विद्यार्थीका लागि दिन शुभ रहला। तपाईंको कार्यकुशलताको प्रशंसा चल्नेछ। योजनाहरू पूर्ण हुनाले मन प्रसन्न हुनेछ। शेयर बजारबाट लाभ मिल्नेछ।
वृश्चिक राशि-कार्यक्षेत्रमा सम्मान मिल्नेछ। पारिवारिक माहोल बन्नेछ। आर्थिक स्रोतहरू बढ्नेछन्। वैदेशिक कार्यहरू सुचारु होलान्। मान-प्रतिष्ठा बढ्नेछ। बोल्दा अलिक विचार गर्नु होला। जीवनसाथीको साथ मिल्नेछ। विद्यार्थीका लागि प्रतिस्पर्धामा सफलता मिल्ला।
धनु राशि-समाजमा मान-प्रतिष्ठा मिल्नेछ। कार्यक्षेत्रमा योजना बमोजिम कार्य हुँदा मन खुसी हुनेछ। चिताएका कार्यले सार्थकता प्राप्त गर्नेछन्। दिन रमाइलोसँग बित्नेछ। सामाजिक तथा धार्मिक कार्यमा रुचि बढ्ला। स्वास्थ्यमा भने अलिक ख्याल राख्नु होला।
मकर राशि-समयमा कार्य सम्पादन गर्न नसक्दा समस्या थपिनेछ। पारिवारिक माहोलमै खर्च हुनेछ। रचनात्मक क्षेत्रमा प्रगति हुनेछ। आत्मविश्वास बढ्ला। व्यवसायिक सफलता मिल्ला। धार्मिक तथा सामाजिक कार्यमा मन जाला। दैनिक कार्यमा प्रगति हुनेछ। अरूको विश्वासमा पर्दा धोका पाउन सकिने ख्याल राख्नु होला।
कुम्भ राशि-शुभ समाचारले मन प्रसन्न होला। सामाजिक प्रतिष्ठा बढ्ला। कार्यक्षेत्रमा सहकर्मीको सहयोग प्राप्त होला। आज पुराना योजनाहरू सफल हुनेछन्। सामाजिक तथा धार्मिक कार्यमा सरिक भइएला। चिताएका कार्यहरू तीव्र रूपमा अगाडि बढ्नेछन्। न्यायिक कार्यमा सफलता मिल्ला।
मीन राशि-नजिकका व्यक्तिसँगको वादविवादबाट बच्नु होला। मित्रहरूबाट धोका पाइने सम्भावना छ। आर्थिक वृद्धि हुनेछ। जोश-जाँगर बढ्नेछ। व्यवसायमा सफलता मिल्ला। सामाजिक तथा धार्मिक कार्यमा सहभागी भइएला। सोचेअनुसार काम बन्नाले मन प्रसन्न रहला। स्वास्थ्य सुधारोन्मुख होला। उत्तरार्धमा धन खर्च होला। गाडी चलाउँदा ख्याल राख्नु होला।
ज्योतिषाचार्य तथा वास्तु विद् – माधवा शर्मा
सचिव – नेपाल ज्योतिष परिषद्, लुम्बिनी प्रदेश
मनकामना ज्योतिष तथा वास्तु परामर्श केन्द्र, तुलसीपुर, क लाइन, जेसिस चोक, दाङ।
फोन नं. – ९८४८०६०७९९