सल्यान, ८ असोज । सल्यानमा तरकारी बोकेको जीप दुर्घटना हुंदा दुई जनाको घटनास्थलमै मृत्यु भएको छ ।
अर्का एकजना गम्भीर घाइते छन् । आज सोमबार विहान सवा ६ बजेतिर कपुरकोट गाउँपालिका वडा नम्बर ३ स्थित चोरखोला नजिकै जीप दुर्घटनामा परेको जिल्ला प्रहरी कार्यालय सल्यानले जनाएको छ ।
रोल्पाबाट दाङ तर्फ तरकारी बोकी आँउदै गरेको रा १ च १०२५ नम्बरको सिंगल क्याब जिप अनियन्त्रित भई सडकबाट करिव ३५० मिटर तल खस्न गई दुर्घटना हुन जाँदा घटनास्थलमै २ जनाको मृत्यु भएको जिल्ला प्रहरी कार्यालयका सुचना अधिकारी गोपाल श्रेष्ठले जानकारी दिए ।
यो समाचार तयार पार्दासम्म मृतकको सनाखत हुन सकेको छैन । घाइते हुनेमा दाङ तुल्सिपुर उ.प.म.न.पा-२ बस्ने वर्ष ३५ का नारायण योगी रहेका छन् । उनको अवस्था गम्भीर छ । घाइतेलाइ उपचारको लागी दाङ ल्याइएको छ ।
प्रकाशित मिति : २०८० असोज ८ गते सोमवार