२०८१ साउन ५ गते आइतवार

यातायात बन्द गर्ने मृतकका आफन्त पक्राउ



दाङ, १ पुस । 

टिप्पर दुर्घटनामा मृत्यु भएका आफन्तले दाङमा यातायात बन्दको आब्हान गरेका छन् । प्रहरीले आइतबार बिहान यातायातका सवारी साधन बन्द गर्न केहिलाई पक्राउ गरेको छ।

सवारी साधन बन्द गर्न खोज्नेलाई पक्राउ गरिएको जिल्ला प्रहरी प्रवक्ता डिएसपी जनकबहादुर मल्लले बताउनुभयो ।

शुक्रबार राति घोराही उपमहानगरपालिका १० झारबैरामा भएको दुर्घटनामा मृत्यु भएका दुई मामा-भान्जाका आफन्तले उचित क्षतिपुर्तिको ब्यवस्था नभएसम्म शब अस्पतालबाट नउठाउने चेतावनी दिएका छन् ।

दुर्घटनामा मोटरसाइकलमा सवार प्युठानको झिमरुक गाउँपालिका-४ बांगेमरोठका १७ वर्षीय विशाल जिसी र नौबहिनी गाउँपालिका-६ लुङका १८ वर्षीय सागर केसीको मृत्यु भएको हो ।

तुलसीपुरबाट घोराहीतर्फ जाँदै गरेको रा १ क १३०७ नम्वरको टिप्परले बिपरित दिशाबाट आउँदै गरेको रा २ प ५५८९ नम्वरको मोटरसाईकललाई ठक्कर दिएको थियो । मृतकको शब राप्ती स्वास्थ्य विज्ञान प्रतिष्ठान घोराही दाङमा राखिएको छ ।

प्रकाशित मिति : २०८० पुष १ गते आइतवार