तुलसीपुर, ७ माघ ।
दाङको तुलसीपुर ३ लाटी भिरमा जिप र टिप्पर ठोकिदा जिपमा सवार दुई जना घाइते भएका छन् ।
घाइते हुनेमा रोल्पा गंगादेव गाउँपमलिका ५ का ६० वर्षीय अत्तर सिंह के.सी र तुलसीपुर ९ का ४२ वर्षका वेद प्रसाद बस्नेतको टाउकोमा चोट लागेको प्रहरीले जनाएको छ । घाइते दुबै जनाको राप्ती प्रादेशिक अस्पताल तुलसीपुरमा उपचार भईरहेको ईलाका प्रहरी कार्यालय तुलसीपुरका प्रहरी निरिक्षक नवचन्द्र मल्लले जानकारी दिनुभयो ।
आज आइतबार दिउँसो पौने २ बजेतिर सल्यान सडक खण्ड अन्तर्गत तुलसीपुर ३ लाटी भिरमा जिप र टिप्पर एकआपसमा ठोकिएको ईलाका प्रहरी कार्यालय तुलसीपुरका प्रहरी निरिक्षक मल्लले बताउनुभयो ।
रोल्पाबाट दाङ तर्फ आउदै गरेको लु १ ज १६३७ नम्बरको जिप र दाङ बाट रुकुम पश्चिम झुल्नेटा जादै गरेको रा १ क १५६६ नम्बरको टिप्पर एक आपसमा ठोकिदा जिप सडकको दाँया साईडमा पल्टिएको मल्लले बताउनुभयो ।
दुबै गाडि अस्थायी प्रहरी पोष्ट गोटीखोलाको नियन्त्रणमा रहेको प्रहरीले जनाएको छ ।