दाङ, ११ चैत ।
दाङमा बसको ठक्करबाट दुई जनाको मृत्यु भएको छ । दुर्घटनामा परी राजपुर गाउँपालिका-५ नौसहराका २४ वर्षीय प्रमोद यादव र २४ वर्षकै प्रदीप यादवको मृत्यु भएको इलाका प्रहरी कार्यालय गढवाले जनाएको छ ।
राजपुर गाउँपालिका-५ जंग्रहवा र नौसहरा बिचमा रहेको कोरियाखोला पुल नजिक शनिबार रा १ ख २३६० नम्बरको यात्रुवाहक बस र विपरीत दिशाबाट आउँदै गरेको रा ७ प २०७ नम्बरको मोटरसाइकल ठोक्किँदा मोटरसाइकलमा सवार दुई जनाको मृत्यु भएको जिल्ला प्रहरी प्रवक्ता डिएसपी जनक बहादुर मल्लले जानकारी दिनुभयो ।
प्रकाशित मिति : २०८० चैत्र ११ गते आइतवार
