तुलसीपुर, ९ भदौ ।
तुलसीपुरमा अटोको ठक्करबाट एक बालिका गम्भिर घाइते भएकी छन् । ईलाका प्रहरी कार्यालय तुलसीपुरका अनुसार अटोको ठक्करबाट तुलसीपुर–१० निवासी मनोज पुनको ३ वर्षिया छोरी काब्या गम्भिर घाइते भएकी हुन् ।
गम्भिर घाइते बालिकाको दुवै हात र दुवै खुट्टा अनि शरिरमा चोट लागेको छ । बालिकालाई तुलसीपुरमा सामान्य उपचारपछि थप उपचारका लागि नेपालगञ्ज लगिएको छ ।
तुलसीपुरबाट कटाहतर्फ जाँदै गरेको रा १ ह १९५३ नम्बरको अटोले आज बेलुका साढे साढे ५ बजेतिर तुलसीपुर–१० मा ठक्कर दिएको हो । अटो चालक तुलसीपुर–११ उरहरीका ४४ वर्षिय जनार्दन खड्कालाई प्रहरीले नियन्त्रणमा लिएको छ ।
प्रकाशित मिति : २०८१ भाद्र ९ गते आइतवार