तुलसीपुर, २ असोज ।
दाङको तुलसीपुरमा दुई वटा मोटरसाइकल एकआपसमा ठोकिदा चार जना घाइते भएका छन् । घाइते हुनेमा रा ४ प ३०९३ नंम्बरको मोटरसाइकल चालक तुलसीपुर- २ कुमलगढिका २४ वर्षका मनोज चोधरीको दायाँ खुट्टामा चोट गालेको प्रहरीले जनाएको छ । उहाँको अवस्था मध्यम रहेको छ ।
ईलाका प्रहरी कार्यालय तुलसीपुरका अनुसार रा ८ प ३८२७ नंम्बरको मोटरसाइकल चालक तुलसीपुर- ९ बेलुवाका २४ वर्षीय संजिव चौधरी, पछाडि सवार सोही ठाँउका २२ वर्षका दिल बहादुर चौधरीको दायाँ खुट्टा घुडा मुनिबाट चुडिएको छ । मेटरसाकलमा चालक सहित ३ जना सवार रहेको ईलाका प्रहरी कार्यालय तुलसीपुरका प्रहरी निरिक्षक प्रकाश थापाले जानकारी दिनुभयो ।
यस्तै मोटरसाइकलमा पछाडि सवार तुलसीपुर- ९ का २४ वर्षका कृष्ण चौधरीको बाँया खुट्टामा चोट लागेको छ । घाइते सबैको अबस्था मध्यम रहेको प्रहरी निरिक्षक थापाले बताउनुभयो । घाइतहरुको राप्ती प्रादेशिक अस्पताल तुलसीपुरमा सामान्य उपचारपछि थप उपचारको लागि नेपालगंज रेफर गरिएको प्रहरीले जनाएको छ ।
हिजो मंगलबार राति ९ बजे तिर तुलसिपुरबाट पश्चिम तर्फ जादै गरेको रा ४ प ३०९३ नंम्बरको मोटरसाइकल र बिपरीत दिशाबाट आउदै गरेको रा ८ प ३८२७ नंम्बरको मोटरसाइकल तुलसीपुर-२ लौबस्तामा एकआपसमा ठोकिएको थियो । घटना बारे थप अनुसन्धान भइरहेको प्रहरीले जनाएको छ ।