तुलसीपुरमा मोटरसाइकल दुर्घटना हुँदा दुई जना घाइते

फाइल फोटो

दाङ,९ फागुन । तुलसीपुरमा मोटरसाइकल दुर्घटना हुँदा दुई जना घाइते भएका छन् ।
तुलसीपुर उपमहानगरपालिका-८, चमिखोला स्थित पश्चिमबाट तुलसीपुरतर्फ आउँदै गरेको रा ५ प ५१११ नम्बरको मोटरसाइकलले पैदल यात्रीलाई ठक्कर दिँदा चालकसहित दुई जना घाइते भएका हुन् ।

तुलसीपुर उपमहानगरपालिका-८ निवासी १६ वर्षीय रोहण भण्डारीले चलाएको मोटरसाइकलले पैदलयात्री सोही ठाउँ निवासी ५४ वर्षीय बुद्धिराम खड्कालाई ठक्कर दिएको इलाका प्रहरी कार्यालय तुलसीपुरका प्रहरी प्रवक्ता प्रहरी निरिक्षक सुर्य रानाले जानकारी दिनुभयो ।

उहाँका अनुसार शुक्रबार बिहान ६ बजेतिर दुर्घटना भएको हो । दुर्घटनामा परि मोटरसाइकल चालक र पैदल यात्री दुबै घाइते भएका हुन्।

मोटरसाइकल चालक भण्डारीको मुख र बायाँ खुट्टामा चोट लागेको र उहाँको अवस्था मध्यम रहेको छ।
यस्तै पैदल यात्री खड्काको टाउको र छातीमा चोट लागेको छ। उहाँको अवस्था पनि मध्यम रहेको प्रहरीले जनाएको छ ।दुवै जना घाइतेको राप्ती प्रादेशिक अस्पताल तुलसीपुरमा उपचारका भैरहेको छ ।