दाङ, २७ माघ ।
तुलसीपुरको हात्तिखौवा चोक नजिकै ट्रकको ठक्करबाट एक जनाको घटनास्थलमै मृत्यु भएको छ । मृत्यु हुनेमा तुलसीपुर- ७ का ५६ वर्षिय जंग बहादुर चौधरी रहेको प्रहरीले जनाएको छ ।
घोराही-तुलसीपुर सडकखण्डको तुलसीपुर-६ हात्तिखौवा चोक नजिकै आइतबार दिउँसो ३ बजेतिर घोराहीतर्फ जाँदै गरेको ना ६ ख ५९२२ नम्बरको ट्रकले लु प्र०२-००१ प २८६८ नम्बरको मोटरसाइकललाई ठक्कर दिँदा चौधरीको घटनास्थलमै मृत्यु भएको हो ।
ट्रकको ठक्करबाट मोटरसाइकलको पछाडि बसेका चौधरीको घटनास्थलमै मृत्यु भएको ईलाका प्रहरी कार्यालय तुलसीपुरका प्रवक्ता प्रहरी निरीक्षक सुर्य रानाले जानकारी दिनुभयो ।
दुर्घटनामा मोटरसाइकल चालक तुलसीपुर-७ का ४७ वर्षिय तीर्थ बहादुर खत्री गम्भिर घाइते हुनुभएको छ । उहाँको राप्ती प्रादेशिक अस्पतालमा उपचार भइरहेको छ । ट्रक चालक बाराको जितपुर सिमरा उपमहानगरपालिका-१६ का ४५ वर्षिय जयराम अधिकारीलाई प्रहरीले नियन्त्रणमा लिएको छ ।
